Rohan aur Riya Ka Milna
Har din ki tarah Rohan office ke liye, lift se nikalkar abhi thoda aage badha hi hoga ki use ek awaaz sunai di. “Mister, mister….”. Wo awaaz ki taraf mud kar dekha to use jeans aur t-shirt mein, ek paltli-dubli, lambi, charhari, teekhe nain nakhsa waali ladki nazar aai. Umr yehi koi 20-22 saal rahi hogi. Rohan use thode asmanjas mein dekhne laga. Use office jaane mein bhi der ho rahi thi. “Jee main aap se hi bol rahi hoon”, wo zor se boli.
Rohan apni jagah par khada ho gaya. Wo ladki uske paas chal kar aai aur muskurakar boli, “App bade ajeeb kism ke insaan hain. Main yahan roz sawere khadi rehti hoon. Aap roz sawere isi waqt yahan se guzarte hain. Mujhe dekhte bhi hain. Main aapko ek badi si smile deti hoon aur aap ek hello tak nahin karte. BTW, mera naam Riya hai”. Usne apna haath aage badhaya. Rohan ne socha ki ye kahan se aa gayi, phir bhi usne hath mila kar bola, “Mera naam Rohan hai”.
“Main yahin aapke bagal waale flat mein rehti hoon. Hum log abhi abhi yahan shift hue hain. Kaafi jan pehchan nahin hai logon se. Isiliye main aapse dosti karna chah rahi thi. Aap hadbadi mein to nahin hain? Nahin to hum log shaam mein mil lenge”, woh boli.
“Nahi koi hadbadi nahin hai. Raat ko main late se aata hoon. Aap boliye”, Rohan ne kaha.
“Aap kahin bade post par kaam karte hain kya? Dekhne se hi lagta hai. Kapde, badi gaadi” Woh boli. Rohan muskurakar kar reh gaya. Bola, “Nahin. Aisa kuch bhi nahin hai. Abhi mera sirf apne upar kharcha hai is liye main is tarah rehta hoon”. “Aap apne ghar ek cup coffee pilayenge, agar aapo koi aitraaz na ho to? Main aapka jyada waqt nahin loongi”. “Jee zaroor”, Rohan bola.
Jab Riya Rohan ke ghar ke andar gayi to usne ek aalishaan sajaawat wala ghar dekha. Saare imported furnitures aur decors. Mehenge parde, chaadar, quilts, woodwork, crockeries, jhaas-phanoos, jaise kisi kadodpati ka ghar. Wo muskurai. Haan bhai sirf apne upar harcha hai. Itne mein Rohan coffee lekar aa gaya. “To jyada nahin kamate aap. Sahab nahin hain”. Rohan thoda serious ho gaya, aur bola, “Sirf dil ki tasalli ke liye kar leta hoon. Isme koi rahega to nahin”. Riya hans kar boli, “Sab kuch set hai. Bas shaadi kijiye aur ghar basa lijiye”.
Rohan abhi bhi serious tha. Bola, “Meri shaadi nahin ho sati hai. Mujhe kuch bimari hai”. Riya ne coffee mug table par raha aur halke se bola, “Matlab? Aisi kya bimari hai”. “Mujhe kuch Psychiatric problem hai”, Rohan bola. “Aap thoda khul kar batayenge”, Riya ne poocha.
“Mujhe college ke dinon se Bipoar diorder hai. Ise BPAD kehte hain. Ye bimari dawa se control hoti hai jise zindagi bhar lena padta hai. Iska koi permanent ilaaj nahin hai”, Rohan bola. “O, Bipolar”, Riya boli, jaise use maloom ho uske vishay mein. “Main bhi thoda bahut jaanti hoon. Dawa nahin lenge to tod phod, haatha pai, gaali galauj wagarah wagarah. Actually ye BP aur Diabetes ki tarah hai.Zindagi bhar dwa lena hai. Nahin liya to kaafi problem ho sakti hai”.
Rohan ko kaafi khushi hui. Use laga ki koi to is bimari ke baare mein jaanta hai aur ise bura nahin manta. “Accha, abhi aap office jaiye, main aapse kal phir miloongi. Chaliye. Aur zara apna phone number de dijiye”. Rohan ne Riya ko apna cell number diya, ghar ka taala band kiya aur office chala gaya. Riya bhi apne ghar chali gayi. “Ajeeb aadmi hai”, usne socha. “Itni choti si baat”.
Rohan aur Riya Ke Shaadi ki Baat
Shaam ko Riya ka phone aaya ki uske pita ne use milne ke liye ghar par bulaya hai. Rohan thaka hua tha, phir bhi chala gaya. Uske pita ki umr umeed se kahin jyada thi. Unhonein use baithne ke liye haath se ishaara kiya aur Riya ko kuch thanda laane ke liye bola. “Maine hi Riya ko bola aapse milwane. Iski maa abhi ghar par nahin hai, thodi der mein aa jayegi”. Itne der mein Riya aa gayi aur ek thande juice ka glass Rohan ke saamne rakh kar bagal waale sofe par baith gayi.
“Aap karte kya hain?”. Riya ke pita ne poocha. “Jee main Mercedes mein Director of Projects hoon. Peechle teen saal se main wahan kaam kar raha hoon. Ab Toyota join karoonga as a VP of Product Engineering”. “Kitini tanhwah milegi? Riya ke pita ne poocha. Kya ghisa pita sawaal hai, Rohan ne socha. “Yehi koi 15-20 crore saal ka sir”.
“Aapne to accha bada saa ghar bhi le liya. kaafi accha saja rakha hai Riya bata rahi thi. Gaadi bhi rakhi hogi”. Rohan ke pita ne poocha. Thoda sharma kar Rohan ne bola, “Jee teen gadiyaan hain. Ek aur lene ki soch raha hoon”. “Kaun si?”. Riya ne chahak kar poocha. “Skoda”, Rohan ne bola. “Innova kyon nahin?”, Riya ne poocha. “Arre wo to sab ke paas hai”, Rohan thoda moonh bana kar bola. “Riya aapse shaadi ki baat bol rahin theen”, Riya ke pita ne kaha. Rohan bilul chup ho gaya, phir dheere se poocha, “Sab jaante hue?” “Haan. Sab jaante hue. Mujhe aapka ghar basane mein khushi milegi”, Riya ne sanjeedagi se bola. Rohan kush tha lekin uski aankhein kuch naum si ho gayin thi.
“Aapko koi aitraaz to nahin?”, Riya ke pita ne poocha. “Nahin. Mujhe to koi aitraaz nahin. Thoda dar zaroor lag raha hai. Lekin aap aur Riya ek baar phir soch ijiye”, Rohan ne bola. “Theek hai. Aap bhi apne ghar waalon se pooch lijiye. Unko manzoor ho to hum jald shaadi kar denge”. Riya Rohan ko dekh kar muskura rahi thi. Rohan thoda jhenp raha tha. Bola, “Jee, theek hai. Main apne maa papa se baat karke batata hoon.”
“Accha, ek baat aur. Shayad ap kuch madad ar sakiein”. Rohan ke pita ne bola. “Jee zaroor. Boliye”. “Riya ne bhi acche college se MBA kiya hai. Use campus mein job bhi mila tha par wo us samay naukri nahin karna chahti thi. Kya aap abhi kuch madad kar sakte hain”. “Bilkul. Bilkul. Riya aap CV bhej dijiye, main kuch na kuch karwa doonga”. Rohan ke waade ke anusaar Riya ko ek acche firm mein naukri mil gayi aur usne jaldi join bhi kar liya. Uske pair saatwe aasmaan par the.
Rohan ke maa pita ke khushi ka thikana nahin raha jab Rohan ne ye sab unko bataya. Unhe to ummeed hi nahin thi ki unke bete ka ghar kabhi basega, aur koi ladki ye bimari hote hue usse shaadi karne ke liye taiyaar hogi. Woh jaldi Riya aur uske mata pita se milne rawana ho gaye. Rohan ke mata pita aur Riya unhe receive karne airport par aye hue the. Rohan ki maa ne Riya ko dekha aur Rohan ko kuhni maar kar dheere se boli, “Kya re, jannat se hoor laya hai kya?” Riya ne Rohan ke mata pita ke pair chue aur wo Riya ke ghar rawana ho gaye.
Ghar pahaunch kar, thoda aaram karne ke baad sab shaadi beyaah ki baat karne baithe. Riya andar se sab baat sun rahi thi. Rohan ki maa boli, “Bhai saa, humne to kabhi sapne mein bhi nahin socha tha ki kabhi Rohan ka ghar basega. Bhagwaan ka diya sab kuch hai, par hamnein sapne mein bhi nhin socha tha ki is bimaari ke hone ke bawjood koi bhi ladki aur ladki waale Rohan se shaadi karne ke liye taaiyaar honge. Aur Riya to hoor hai”. Wo age boli, “Aap kisi cheez ki chinta mat kijiye. Sara intezaam hum log karenge, bas aap dulhan ko mandap par lekar aa jaiye”. Baaki saari baateion ho gayi. Rohan aur Riya ke man mein laddo phoot rahe the. Dono ek dusre ko dekh kar muskurae jaa rahe the.
Rohan aur Riya ki Shaadi
Agle din Rohan ke maa baap wapas saara intezaam karne chale gaye aur shaari ki taarikh nikalwa li. Theek usi din Rohan aur Riya ki sagai aur shaadi dono ho gayi aur dono wapas apne shaher aa gaye. Riya kuch din apne mata pita ke saath rahi jab tak Rohan ne uske liye saara intezaam ghar mein kiya. Riya ne bhi isme uska saath de rahi thi. Ek subh muhurth dekh ar Riya aur Rohan ne apne ghar mein pooja kar ke prawesh kiya.
Jab Rohan agle din office se lauta to uske haath mein ek lifafa tha. Riya ne deha aur lifafe ki taraf lapki. “Ye kya hai?” “Khud delh lo”. Riya ne dekha ki usme Switzerland ke aane aur jaane ke do ticket, aue ek mahina taharne aur ghoomne ke saare papers the. Iske alawa Singapore, Malaysia, Thailand, HongKong , Dubai aur UAE ghoomne ke bhi saare tickets the. “Accha jee. To aaj office mein ye sab chal raha tha”, Riya ne Rohan ka kaan paad kar thoda ghumaya. “Theek hai. Nahin jaana hai to cancel kar dete hain”, wo thoda moonh phoola kar bola. “Accha jee, itna gussa. Tab to jana hi padega jahapanah. Ye lijiye chai, aur jaldi se kapde badaliye. Jaane ke liye kuch taiyaari karni hogi.
Ek mahine Switzerland ghoomne ke baad Riya aur Rohan Dubai phaunche. Dubai ke shopping facilities ko dekh kar Riya apne aap ko thaam nahin paayi. Wo har shop mein se mehenge mehenge saman lene lagi. Rohan ne sar pakad liya. “Arre sara Dubai le jaana hai kya? Aur ye pachaas laah ke heere? Madam wapas jaa ar roti daal khana pdega aur bus mein travel karna padega”, Rohan bola. “Arre itni door aaye hain to sabke liye kuch na kuch to le jayenge”, Riya thodi rooansi hoti hui boli. “Accha theek hai. First and the last time. Bumper dhamaka”, Rohan muskura diya.
Rohan ki Bimari aur Ek Haadsa
Honeymoon se lautkar Riya Rohan ke saath uske doctor se milne gayi. Wo uske bimaari ke baari mein aur janana chah rahi thi ki kya kya saawdhaniyaan baratni hain. Doctor ne pehle un dono ko congratulate kiya aur Riya ko bharosa dilaya ki jab tak Rohan apna injection lete rahenge kabhi koi pareshaani nahin hogi.
Doctor ne ek baat aur kahi. Uasne kaha ki ab tak Rohan ke upar apne alawa kisi aur ki jimmewaari nahin thi, aur unke upar sirf office ka pressure tha. Shaadi ke baad rishtedaariyaan nibhani padti hain, baal bacche hote hain unka tension hota hai, pati patni ke beech bhi kabhi kabhi tension hota hai, ya kabhi koi ghar mein bimaar par gaya. Upar se kaam ka tension alag. Doctor ne kaha ki asise to sab theek rahega par agar koi bhi tension jyada samay tak rehti hai to Rohan par uska bura asar par sakta hai. Wo adhik tanaw mein aa sakta hai jiske karan wo kuch adhik react kar sakta hai.
“Aapne accha kiya jo mujh se aakar mil liya. Rohan ke case mein aapko hi unke bimaari I jimmewari leni hogi. Bhagwaan ke daya se aap bilul swastha hain. Aap ye kaam asani se kar sakti hain. Koi bhi dikat lage to turat mujhse aakar miliye”, doctor ne bola.
Doctor se baat cheet kar ke, saari baat samajh kar aur puri aaswasth hokar Riya Rohan ke saath apne grihasthi ki shuruaat karne apne ghar aa gayi. Der shaam ho chuki thi. Andar ghar mein chusne ke baad Riya ne dekha ki Rohan thoda tension mein hai. Woh bola, “Maine pehle hi kaha tha ki ek baar phir soch lo. Tum log to samajhte hi nahin. Suna nahin doctor ne kya kaha? Tension hone par meri halat kharab ho sakti hai. Main react kar sakta hoon?”
Riya thodi sakte mein aa gayi, phir apne dimaag ko thanda kar ke bola, “Main tumhe koi tension hone hi nahin doongi. Mujhpar bharosa nahin hai kya?”. “Bharosa to tumpar poora hai, lekin is kambahkt bimaari par nahin”, Rohan bola. Riya ne pyaar se uske kandhe par haath rakha aur boli, “Accha, ab tension mat karo. Raat ho gayi hai. Kapde badlo, khana khao, aur sone chalo. Kal dekhenge”.
Thodi der mein Rohan bistar par sone ke liye aa gaya. Wo apni manpasand kambal odhe hue tha. Usne Riya ko bola, “Wo chappak chapaak wala gana sunao na. Mujhe neend nahin aa rahi hai”. Riya uske bagal mein let gayi, aur gaane lagi, “Chappak, Chappak, Rohan ke khayi naani ke haath ki kheer, Kheer mein thi doodh malai, Hmmm…, Hmmmm….Hmmm……..”. Rohan muskura raha tha. Usne aankhe band kar li aur wo dheere dheere muskura raha tha. Thodi der mein use jhapki aane lagi. Riya ne room ka light off kiya aur kitchen theek karne chali gayi.
Jab wo laut kar aayi to usne dekha ki Rohan gehri neend so raha tha. Wo bhi uske bagal mein kambal let kar sone ki koshish karne lagi. Doctor aur Rohan ki baatein abhi bhi use dimaag mein goonj rahin theen. Use samajh mein nahin aa raha tha ki woh kya kare. Phir usne ek faisla liya. Koi mushkil faisla to nahin tha, par Rohan aur ghar ke liye ucheet tha. Use us failse ke baad araam mila aur woh thodi hi der mein so gayi
.Agle din sawere, Riya ne Rohan ko office jaane ke liye jagaya. “Arre, tum abhi tak taiyaar nahin hui? Office nahin jaana hai kya?” Rohan thoda aascharya se bola. “Rohan, maine resign ar diya hai.” Phur musuraar boli, “Aaj se main hi tumhari patni, nurse aur caretaker hoon. Tum sirf office jaoege aur apne kaam par dhyaan doge. Baaki sab, including bacche main dekhoongi. Hamesha ke liye Maine bola tha na mujhpar bharosa rakho.” “Haan. Tum theek keh rahi ho”. Usne Riya ko gale laga liya aur uska maatha chooma. “Magar bacche? Kab”, Rohan thoda besabri se bola. “Is samay to nahin. Abhi office jaane ka time hai”, Riya ne thoda moonh bana ar bola.
“Maine kapde nikaal kar rakh diye hain. Geyser on hai aur paani garam hai. Jaldi se taiyaar ho jao. Main naashta laga deti hoon. Tumhara lunch bhi maine pack ar diya hai. Office ka khana mat khana”. Rohan jaldi jaldi taiyaar hokar nikla aur naashta kar ke bola, “Main to bhool hi gaya tha. Aaj ek zaroori meeting hai aur main late ho raha hoon. Accha chalta hoon. Apna khayal rakhna. Din mein call karoonga, Bye.” Riya ne gate bund kiya aur ghar ke balcony se Rohan ko jaate hue dekh rahi thi. Rohan ne jaldi mein haath hilaya, car main baitha aur chala gaya. Riya ne ek cup chai liya, aaj ka paper uthaya aur balcony main baith gayi. Ayamma ke aane mein abhi ek ghante der tha.
Din isi tarah se bitne lage. Mahine mein ek do bar Rohan ke dost apne family ke saath ghar par aa jaate the. Sabhi mil kar khana banate, games khelte, gappein marte or long drive par jaate. Kabhi kuch rishtedaar aa jaate, ya Rohan aur Riya unse milne chale jaate.
Ek din Rohan sham ko office se ghar aaya. Riya ne muskuraate hue gate khola. Rohan andar aa gaya. Riya ne muskuraar bola, “Koi aane wala hai”. “Is samay. Kaun?” “Arre is samay nahin, aath nau mahine baad”, Riya thoda jhalaa kar boli. “To ye bolo na. Us samay ki us samay dekehenge”, Rohan bola. Riya ne moonh bana kar bola, “Nahin, abhi se dekhna padega”. “Aisa kyon. Kaun aa raha hai?, Rohan aankhein phaad kar bola.
Riya ne sar peet liya, “Apna baccha aane wala hai. Tum baap banane waale ho”.” To aisa bolo na”, Rohan bola aur room mein jaane laga. Phir zor se chillya, “KYA? KYA? Phir se bolo? Kya Kaha”. “Tum baap banane waale ho”. Rohan Riya ko god mein utha kar naach utha. Phir use utaar aur bola, “Tum yahan baitho araam se. Tumko kuch chahiye, Thanda. Garam. Kuch khaane ka man hai.” “Main bilkul theek hoon. Tum kapde badlo, main chai lagati hoon”, Riya aaram se boli. “OK Madam”, Rohan thoda acting karte hue bola.
Rohan ne phir apne saas sasur aur maan papa ko phone kar ke ye unke dada dada naana naani banana ki baat batai. Wo turat milne aane ka plan banana lage. Bole bahu ko kaun dekhega. Too to din bhar office mein rahega. Jab ta baccha 5-10 saal ka nahin ho jaata hum bhi wahin flat lekar rahenge. Rohan ne apne boss, aur sabhi karibi doston aur rishtedaaron ko phone kar ke habar di.
Dheere dheere samay beetne laga aur Rohan aur Riya ke maan baap banana ka samay nazdeek aane laga. Delivery hone ke lagbhag do mahine pehle Riya ne Rohan ko office mein phone kiya. Wo thodi ghabrayi hui lag rahi thi. “Rohan, muhje thoda dar lag raha hai. 2-3 din se bacche ne haath pair chalana band kar diya hai. Uske movements band ho gaye hain. Tum jaldi ghar aa jao. Humein abhi isi waqt doctor ke paas chalna padega”. Rohan sab kaam chod ar aadhe chante mein ghar aa gaya. Dono turat gaadi mein baith kar hospital chal diye.
Hospital pahaunch kar dono ne ye baat apne doctor ko batayi. Doctor ne ultrasound kiya aur ek dukhad samachar Riya aur Rohan ko diya. Doctor ne kaha, “Riya, tumhara baccha bach nahin paya. Garbh mein hin chal basa”. Riya behosh ho kar gir padi. Rohan bhi shock mein chala gaya. Doctor ne turant nurses ko bulaya aur dono ko private ward mein le jane ke liye bola, aur Riya ke operation ke taiyaari karne ke liye kaha.
Rohan thodi der mein apne aap ko sambhaal kar doctor se poocha, “Lekin kaise?” Doctor ne kaha, “Ulumbical chord bacche ke gale mein lipat gayi thi, isi karan saans rukne se uski maut ho gayi. Humein turant operation karna padega. Aap bahar baithiye”. Thodi der baad docor bahar aayi aur Rohan se kaha, “Rohan, ek aur buri khabar hai. Riya ka uterus damaged ho gaya hai. Hum uterus nikal to nahin rahe, par wo shayad kabhi maan nahin ban apyengi”. Rohan kursi par nidhaal hokar baith gaya. “Theek hai doctor. Riya theek to hai?” usne poocha. “ Haan Riya bilkul theek hai. Aap uski chinta mat kijiye”.
Dono do teen din mein ghar aa gaye. Riya ke aanssoo tham nahin rahe the. Rohan ne kuch dinon ke liye office se chutti le li. “Pata nahin kiski nazar lag gayi. Yeh kya ho gaya”, Riya ne rote hue kaha. “Kuch nahin Riya. Bhagwaan shayad hamari pariskhshale raha hai”, usne Riya ko santwana dete hue kaha. “Tum chinta mat karo, agar upar waale ne chaha to tumhari god phir bharegi”.
Isi tarah dus saal nikal gaye. Riya aur Rohan beaulaad rahe. Ghar soona raha. Dono apne aap ko kisi na kisi kaar kaam nein vyasat rakne ki koshish karte. Riya ne phir se naukri kar li thi. Rohan ne hi iski salah di thi. Use laga ghar baithe baithe wo kahin bimaar na pad jaye.
Rohan ka Dukh aur Bhagwaan se Ek Guzaarish
Rohan and Riya ek din sham ko ek park mein baithe hue the. Dono chup the jab Riya ne kaha, “Hum aaj wahin hain jahan hum das saal pehle the. Main bhi waisi hi hun aur aaj bhi tum sirf ek injection par ho”. Phir thoda muskuraar bola, “Haan thode boodhe ho gaye hain”.
Rohan thodi der chup raha. “Haan kuch nahin badla. Sirf main ab kabhi baap nahin ban sakta”, woh bola. Riya ko kuch samajh mein nahin aa raha tha ki woh kya bole. Phir usne kaha, “Apna nahin hai to kya hua, itne saare to hain. Saare uncle uncle, aunty aunty, chacha chacha, taya tai kar ke aage peeche kiye rehte hain. Phir itnon ko to godle rakha hai. Unki parwarish, padhai likhai, kapde”. Thodi der chup rehne ke baad phir woh boli, “Aur tumhaare saare dost. Anil, Subit, Prem, aue baaki saare har mahine do mahine par apne biwi bacche ke saath ghar par aate hain. Din bhar rehte hain. Unke bacche? Uncle cricket khelne chalo. Uanty thoda pasata aur chahiye. Kya kami hai bacchan ki?” Use thoda gussa aya.
Rohan dheere se bola, “Par apna apna hi hota hai. Baaki har samay hamare saath thode hi rehte hain. Unke maan baap hain unki har zaroorat ko poora karne ke liye. Manta hoon sab hamara dard samajhte hain, par dil karta hai ki koi to ek hota jo papa ar ke gale lag jaata. Kuch khareedne ki zid karta aur main mushkil se naa naa kar ke maanta. Jise main roz school chodne jaata aur exams mein number kam aane par daanta. Jiske saath main roz football cricket khelta. Swimming ke liye jaata. Jo roz hamare gale lag kar sota”. Rohan ki aankhe nam ho aayin thin.
“Aaj mere paas sab kuch hai Riya, sirf ek baccha nahin hai”. Uski awaz mein ek dard aur kasak thi. Riya ne dheere se uske haath par haath rakha aur bola, “Har kisi ko har kuch nahin milta Rohan”. “Par main hi kyon?” Rohan ke aankh mein aansoo the. “Bhagwaan nein muhje sab kuch diya. Tumhare jaisi patni di.Sirf ek bachcha?” “Aaaj MAIN bhagwaan ko bolta hoon ki hum dono ka sab kuch le lo, hamein sirf ek bachcha de do”. Phir wo aasmaan mein dekh kar, zor se chilla kar bola, “Sun raha hai na tu?”. Park mein baithe log acchambhe se un dono ke taraf dekhne lage.
Riya shaant thi. Wo Rohan ka haath paad ar boli, “Rohan, kaafi der ho rahi hai. Chalo ghar chalte hain.” Phir wo dono ghar ki taraf rawana ho gaye. Gaadi Pyare chala raha tha. Rohan ne usse poocha, “Pyaare, tere kitne bacche hain?” Wo chahak kar bola, “Paanch hain sir. Chattha hone waala hai”. Rohan ne Riya ke taraf muskuraar dekha aur bola, “Sach kehti ho. Har kisi ko har cheez nahin milti. Pyaare ne poocha, “Kya hua sahab?” “Kuch nahin pyaare, tu gaadi chala. Aur wo tapdi par rokna.Chai peete hue chalte hain.” Riya ne rahat ki saans li.
Agle din Riya ko office mein phone aaya. Phone karne wala thoda ghabraya hua tha aur zor se bola, “Saab ka serious accident ho gaya hai. Wo Appollo hospital mein ICU mein hai. Aap jaldi aa jao”. Jab Riya hospital pahaunchi to doctor ne bataya ki gaadi ki ek truck se takarlagi thi. Rohan buri tarah zakhmi ho gaya tha. Use spinal chord mein multiple injuries hain. Uska pura dhar pair tak paralyzed hai. Ab wo shayad kabhi chl nahin payega. Riya behosh hokar girpadi.
Doctors Riya ko ek room mein le gaye aur thodi der mein jab Riya ko hoish aaya to use bataya ki who maan banahane waali hai. Jab Rohan aur Riya ko ye bataya gaya ki unke ek baccha hone waala hai to unki khushi ka thikana nahin raha. Rohan ka man kiya ke woh Riya se lipat jaye. Riya daud ar aayi aur Rohan se lipat kar phoot phoot kar rone lagi. Boli, “Aage se bhgwaan se kuch bhi soch samajh kar mangana” “Are, tum ghabraati yon ho, sab theek ho jayega”, Rohan shaanth man se bola.
Doctors ne Riya ko thoda bahar baithne ke liye bola aur kaha ki Rohan ka aaram karna abhi bahaut zarrori hai. Riya bahar jaakar baith gayi. Thosi der mein doctors bahar aye aur Riya ko apne room mein aane ke liye bola. “Sab theek to ho jayega na doctor?”, Riya ne poocha. “Abhi kuch nahin keh sakte. Humein saara operation kar diya hai. Pehle to injuries heal hone honge. Phir hum Rohan ko physiotherapy par dalanege. Injuries kaafi hain, to sudhaar hone mein bhi waqt lag sakta hai. Physiotherapy ke baad bhi mobility kitini ayegi kehna mushkil hail. Lekin kuch sudhaar to hona chahiye. Baaki hum sab bhagwaan se prarthana karein to accha rahega.
Riya aur Rohan ke maata pita to guzar chuke the. Ab Riya ko apna bhi dhyaan rakhna tha aur Rohan ka bhi. Wo roz sawere Rohan ke liye din bhar ka khana aur baaki samaan lekar aati. Dinbhar reh kar wo shaam ko wapas ghar chali jaati. Din bhar dono apne bacche ke baare mein batein karte aur uske sapne dekhte. Dono apna saara gham bhool gaye the. Thode samay mein Rohan ki physiotherapy bhi shuroo ho gayi. Dheere dheere uske haath aur upar ke dhar mein movements hone lage. Wo apne haath thode uthane laga. Riya ke khushi ka parawaar nahin raha. Use laga rohan phir theek ho jayega.
Par doctors chintit the. Kaafi physiotherapy ke baad bhi uske pairon ki halat theek nahin ho rahi thi. Unhone phir se saare tests kiye lekin kuch karan pata nahin chal raha tha. Wo apne pair seedha to rakh sakta tha lekin hila nahin sata tha. Kuch samay baad Rohan ke poore upari shareer ka movement normal ho gaya, lekin wo apne pair nahin ke barabar hi hila sakta hai.
Doctors ne Riya ko ye bataya ki Rohan ab abhi chal nahin payega. Unhonein duinya ke sabse acche doctors se consult kiya hai, lekin ab aur kuch nahin ho sakta. Rohan ko ab wheelchair par apni baaki zindagi bitani padegi. Riya ro padi, lekin Rohan shath tha. “Arre aisa kya hua, kha to sata hoon, so to sata hoon. Koi battery wala wheel chair le lenge aur poore ghar mein choomte rehenge. Aur ye bhi to socho, main duniya mein akela aisa nahin hoon. Chote chote bacche hain jo aisi zindgi bitate hain. Koi to zindagi bistar par bitane ke liye majboor ho jate hain. Aur bahar ghoomne ke liye Pyaare aur gaadi to hai.
Doctors ne Rohan ko dicharge kar diya. Poore chah mahine bad Rohan ghar aya. Ghar bilkul waisa hi tha jaise woh chod kar gaya tha. Achanak use hosh aya ki Riya apne ko bhi deh rhi thi aur usko bhi. Dono ke bacche ko aane mein sirf 2-3 mahine hain. Rohan nein sare numbers ghumae aur ghar ko hi maternity ward bana diya. “Rohan, ye tum kya kar raho ho”, Riya ne ascharya se kaha. “Itna to ar hi sata hoon tumhare liye. Hamara baccha hamare ghar mein hi ayega”, usne muskuraar bola. Ayyamma aur bawarchi ab 24 ghante unki sewa mein rehne lage.
Rohan ke ghar aane ke poore teen mahine baad Riya aur Rohan ka beta is duniya mein aaya. Doodh sa gora, golmatol, bilul gudda sa. Dono usse lipat ar jee bhar ke roye, jaise saare thame hue aansoo nikal jayenge. Bacche ki chatti poore dhoom dhaam se hui aur dono pyaar se use Jassi bulane lage. Wahi uske ghar ka naam par gaya. Dono ne mil kar uska bahar ka naam Shubhit rakha kyonki wo shubh ghari lekar ghar aya tha.
Sukhad ya Dukhad – Katha ka Anth
Ab Rohan ko office ke saare issues ko sort out krna tha. Chunki uska touring job tha, woh wo naukri nahin kar sakta tha. Usne wahan se resign kar diya. Uska boss Peter kaafi dukhi tha par wo kuch nahin kar sakta tha. Waise bhi Rohan abhi toorat naukri nahin karna chahta tha. Rohan ne lagbhag das saal wahan nauri ki thee. Uske bahut saare paise bante the.
Saare resignation formalities khatam karne ke baad aur full and final ka cheque lekar wo ghar aaya. Usne wo cheque Riya ko diya. Riya ki ankhein phati ki phati rek gayin. 250 crore ka cheque uske hath mein tha. “Itna paisa kaise? Kahan se?” Rohan ne use saari baat batayi aur bola, “Tuhare pita ki baat sach niali. Dus saal mein paise kama lena aur retire ar jana. Zindagi bhar naukri karne ki kya zaroorat hai”. Riya ne uske moonh par haath rh diya aur bola, “Chahiye tha, magar is tarah se nahin. Koi baat nahin. Jaisi bhagwaan ki marzee”.
Rohan ke saare doston ne uske liye ek paanch sitara hotel mein e fairwell party rakha tha. Riya ne bhi waisi shaandaar party apni zindagi mein nain dekhi thi. Apne poorne dost ko jaate hue sabhi ki aankhein nam thein, par sab uske khushi mein sharik the ki use jassi jaisa beta mila aur ab wo araam se reh payega.
Party ke baad sab Rohan aur Riya ko gate tak chodne aye. Hum milte rahenege Rohan. Kabhi alag mat hona. Jab rohan ki gaadi start hui to kisi ne uske window ke sheeshe par knock kiya. Sheesha girane par usne deha ki uska boss Peter haath mein ek envelop liye khada tha. Usne bola, “Rohan, lagta hai tumhein abhi chutti nhin milegi. 2-3 technology companies hain jo tumhein board of advisors aur board of directors par rakha chahte hain. Wo tumse kal milna chahte hain”. Usne wo lifafa aage kiya aur bola, “Isme venue details air contact name aur numbers likhe hein. Kal theek nau baje ek gaadi chaffeuer ke saath tumhein pick karne ayegi”. Phir aank marte hue usne kaha, “Good luck my boy. keep it up”.
Riya hairaan thi. Ye kya. Usne bola, “Kuch to dum hai tumme. Manana Pageda.” “Accha Jee. Abhi pata chal raha hai. Waise tum bhi kuch kam nahin ho”, Rohan use gaal par chikoti katate hue bola. Jassi is sab se bekhabar soya hua tha. While driving home, Rohan was shouting at the top of his inside the car, I am back to work baby, I am back to work, and kept repeating it. Riya ne bola, “Dheere bolo. Jassi jaag jayega”. Lekin wo kahan manane wala thaa. After some time, Riya was sitting quietly in the car with her eyes closed, smile on her lips, with a few drops of tears on her cheeks. She was thinking, “Papa, meri pasand galat nahin thi.”